لندن: مسلم لیگ ن کے قائد نواز شریف کے استقبال سے لندن والے پریشان آگئے اور سیاسی سرگرمیوں پر پابندی لگوانے کا اشارہ دے دیا۔

اے آر وائی نیوز کے مطابق مسلم لیگ ن کے قائد نواز شریف عمرہ کی ادائیگی کے بعد لندن واپس پہنچے تو ایون فیلڈ اپارٹمنٹس کے سامنے کارکنان نے ان کا استقبال کیا اور پھولوں کی پتیاں نچھاور کیں۔

مقامی کونسلر نے ایون فیلڈ کے سامنے ہجوم اور مظاہروں پر تشویش کا اظہار کیا ہے۔

کونسلر نے کہا کہ ایون فیلڈ کے سامنے سیاسی سرگرمیوں پر پابندی لگوانا چاہتے ہیں، ہجوم سے متعلق پولیس سے بات کررہے ہیں۔

کونسلر فشر نے کہا کہ رہائشگاہ کے سامنے مظاہروں سے مقامی رہائشی متاثر ہوتے ہیں۔

انہوں نے کہا کہ رہائشگاہ کے سامنے مظاہروں سے مقامی رہائشی متاثر ہوتے ہیں، نواز شریف کا استقبال کریں اور جلد از جلد خالی کریں۔

مقامی کونسلر نے کہا کہ نواز شریف کو میرا پیغام دیں کہ ہم نظر رکھے ہوئے ہیں۔

واضح رہے کہ گزشتہ دنوں مسلم لیگ ن کے قائد نواز شریف لندن سے سعودی عرب عمرے کی ادائیگی کے لیے پہنچے تھے۔

بنوں میں باپ نے مبینہ طور پر چار بچوں کو قتل کرکے اپنی زندگی کا خاتمہ کرلیا۔

اے آر وائی نیوز کے مطابق بنوں کے علاقے تھانہ ڈومیل کی حدود سے پانچ لاشیں برآمد ہوئیں، مبینہ طور پر ایک شخص نے چار بچوں کو قتل کرکے خودکشی کرلی۔

پولیس کا بتانا ہے کہ جائے وقوع سے پستول اور موٹرسائیکل برآمد کی گئی ہے جبکہ مقتول کی شناخت کلیم اللہ کے نام سے ہوئی ہے۔

بھائی نے بتایا کہ کلم اللہ کی کسی سے کوئی دشمنی نہیں تھی ٹائر پنکچر کی دکان چلاتا تھا اور ذہنی طور پر بہت پریشان تھا۔

ڈی پی او ضیا الدین احمد کا کہنا ہے کہ کلیم اللہ نے پہلے بچوں کو قتل کیا پھر خود کو گولی مار لی۔

پولیس کا کہنا ہے کہ واقعے کا مقدمہ 302 کے تحت بچوں ک یماں کی مدعیت میں شوہر کے خلاف درج کیا گیا ہے۔ایف آئی آر میں خاتون نے موقف اپنایا کہ کلیم اللہ کا دماغی توازن درست نہیں تھا وہ دوائی لے رہا تھا۔

اسلام آباد: قومی اسمبلی اجلاس کے دوران ن لیگ کے دو وفاقی وزرا ایوان میں لڑ پڑے۔

اے آر وائی نیوز کے مطابق قومی اسمبلی اجلاس کے دوران ن لیگی وزرا مرتضیٰ جاوید عباسی اور جاوید لطی کے درمیان تلخ کلامی اور گالم کلوچ ہوئی۔

وزیر قانون اعظم نذیر تارڑ، قمر زمان کائرہ اور آغا رفیع اللہ نے اس دوران بیچ بچاؤ کروایا۔

ذرائع کا بتانا ہے کہ تلخ کلامی جاوید لطیف کو ایوان میں بات کرنے کی اجازت نہ دینے پر ہوئی تھی۔

واضح رہے کہ اس سے قبل قومی اسمبلی اجلاس میں وزیر خزانہ اسحاق ڈار، بلاول بھٹو سمیت دیگر ارکان نے خطاب کیا تھا۔

وزیر خزانہ اسحاق ڈار کا کہنا تھا کہ عدالتی حکم اپنی جگہ ہے لیکن آئین سے انحراف کرکے پنجاب الیکشن کے لیے فنڈز جاری نہیں کرسکتے۔

اسحاق ڈار کا کہنا تھا پنجاب اور کے پی کی اسمبلیاں تحلیل نہ کی جاتیں تو اتنی خرابی پیدا نہ ہوتی اور ملک میں ایک ساتھ انتخابات ہوتے، اسمبلیوں کی تحلیل ملک میں افرا تفری پھیلانے کی کوشش تھی۔

ان کا کہنا تھا کہ الیکشن کمیشن کے مطابق 47.4 ارب انتخابات پر اور دیگر اخراجات 14 ارب کے ہوں گے، ای سی کے مطابق عام انتخابات پر مجموعی طور پر 61 ارب سے زائد اخراجات آئیں گے۔