کراچی: پاکستان شوبز کے اداکار محب مرزا کو صنم سعید سے شادی کے بعد سوشل میڈیا پر تنقید کا نشانہ بنایا جا رہا ہے۔
حال ہی میں محب مرزا نے ساتھی اداکارہ صنم سعید سے شادی کا انکشاف کرتے ہوئے سب کو حیران کر دیا تھا تاہم اس خوبصورت جوڑی کو شادی کے بعد ٹرولنگ کا سامنا کرنا پڑ رہا ہے۔
شادی کا راز کھولنے کے بعد محب مرزا نے عیدالفطر کے موقع پر اہلیہ صنم سعید کی ساتھ اپنی تصاویر سوشل میڈیا پر شیئر کیں جس پر صارفین نے اُنہیں آڑے ہاتھوں لے لیا۔
ناقدین کا کہنا ہے کہ محب نے اپنی پہلی اہلیہ آمنہ شیخ کے ساتھ غلط کیا ہے۔
تاہم محب مرزا اور صنم سعید کے مداحوں نے ان کیلئے نیک تمناؤں کا اظہار کرتے ہوئے تصاویر کو بےحد پسند کیا۔
انہوں نے لکھا کہ ’اللہ آپ کو اور آپ کی فیملی کو صدا خوش رکھے اور صحت کی دولت سے نوازے، خوش رہیں آباد رہیں، آمین۔
یاد رہے کہ حال ہی میں محب مرزا اور صنم سعید نے اپنی شادی کی تصدیق تھی۔ محب مرزا آمنہ شیخ جبکہ صنم سعید اس سے قبل فرحان حسن کی اہلیہ تھیں تاہم انہوں نے کچھ عرصہ قبل علیحدگی اختیار کر لی تھی۔
