پرتھ: پاکستان اور آسٹریلیا کے درمیان کھیلے جانے والے سیریز کے پہلے ٹیسٹ میچ کے پہلے دن کا اختتام ہوگیا ہے، آسٹریلیا نے 346 رنز بنا لیے۔
پاکستان اور آسٹریلیا کے درمیان پرتھ میں ہونے والے پہلے ٹیسٹ میچ میں میزبان ٹیم آسٹریلیا نے ٹاس جیت کر پہلے بیٹنگ کا فیصلہ کیا تھا، آسٹریلیا نے پہلے دن کے اختتام پر 5 وکٹوں کے نقصان پر 346 رنز بنالیے ہیں۔
David Warner gets into the top five run-scorers for Australia in Tests 📈 🇦🇺 pic.twitter.com/fST55Gwsas
— ESPNcricinfo (@ESPNcricinfo) December 14, 2023
آسٹریلیا کی جانب سے مچل مارش 15 اور ایلکس کیری 14 رنز کے ساتھ کل دوسرے روز کے کھیل کا آغاز کریں گے۔
پہلے روز کا کھیل
پاکستان کیخلاف آسٹریلیا کی پہلی وکٹ شاہین شاہ آفریدی نے لی، انہوں نے عثمان خواجہ کو 41 رنز پر آؤٹ کیا جب کہ مارنس لبوشین کو 16 رنز پرفہیم اشرف نے پویلین کی راہ دکھائی۔
آسٹریلیا کی تیسری وکٹ ٹیسٹ میں ڈیبیو کرنے والے خرم شہزاد نے لی، انہوں نے اسٹیو اسمتھ کو 31 رنز ہر آؤٹ کیا، کیویز کی چوتھی اور پانچویں وکٹ عامر جمال نے لی، انہوں نے ٹریوس ہیڈ کو 40 اور ڈیوڈ وارنر کو 164 رنز پر آؤٹ کیا۔
پاکستان کی جانب سے عامرجمال نے 2 کھلاڑی آؤٹ کیے جبکہ شاہین آفریدی، خرم شہزاد، فہیم اشرف نے 1،1 وکٹ لی، آسٹریلای کی جانب سے ڈیوڈ وارنر نے شاندار بلے بازی کرتے ہوئے 164 رنز بنائے۔
ٹاس
قومی ٹیسٹ ٹیم کے کپتان شان مسعود نے ٹاس کے موقع پر بات کرتے ہوئے کہا کہ اگر وہ ٹاس جیت جاتے تو پہلے بیٹنگ ہی کرتے، میزبان ٹیم آسٹریلیا کے خلاف پہلے میچ میں ہماری ٹیم میں دو کھلاڑی ڈیبیو کر رہے ہیں۔
The two debutants receive their Test caps #AUSvPAK pic.twitter.com/GGAj1ND2sS
— Pakistan Cricket (@TheRealPCB) December 14, 2023
اس سے قبل عامر جمال اور خرم شہزاد کو ٹیسٹ کیپ دی گئی، شاہین آفریدی اور قومی ٹیم کے فاسٹ بولر حسن علی نے کھلاڑیوں کو ٹیسٹ کیپ دی۔ قومی ٹیم کے سابق کپتان بابر اعظم کو پچاسواں ٹیسٹ کھیلنے پر شان مسعود نے کیپ اور یادگاری شیلڈ دی۔
Celebrating @babarazam258‘s feat
Special souvenir and cap presented to the top player on his 50th Test appearance by Pakistan captain @shani_official #AUSvPAK pic.twitter.com/5fvE5CyMsv
— Pakistan Cricket (@TheRealPCB) December 14, 2023
پاکستانی اسکواڈ میں چار فاسٹ بولرز شامل ہیں جبکہ کپتان شان مسعود، امام الحق، عبداللّٰہ شفیق، بابراعظم، سعود شکیل، سرفراز احمد، سلمان علی آغا، فہیم اشرف، شاہین شاہ آفریدی، عامر جمال اور خرم شہزاد شامل ہیں۔
کیا اس بار پاکستانی ٹیم آسٹریلیا میں تاریخ رقم کرپائے گی؟
میزبان ٹیم آسٹریلیا میں ڈیوڈ وارنر، عثمان خواجہ، مارنوس لبوشین، اسٹیو اسمتھ، مچل مارش، مچل اسٹارک، کپتان پیٹ کمنز، ٹریوس ہیڈ، الیکس کیری، نیتھن لائن اور جوش ہیزل ووڈ شامل ہیں۔
