دبئی: قومی ٹیم کے کھلاڑیوں کو سری لنکا کیخلاف پہلے ٹیسٹ میں شاندار پرفارمنس کا انعام مل گیا ہے۔
آئی سی سی نے تازہ ترین ٹیسٹ رینکنگ جاری کردی ہے، جس کے مطابق پاکستان ٹیم کے کپتان بابراعظم، شاہین آفریدی اور عبداللہ شفیق کی عالمی رینکنگ میں ترقی ہوئی ہے۔
آئی سی سی ٹیسٹ رینکنگ میں بابراعظم چوتھے سے تیسرے نمبر پر آگئے، جس کے ساتھ ہی بابر واحد کھلاڑی ہیں جو تینوں فارمیٹ کی موجودہ رینکنگ میں ٹاپ تھری پوزیشن پر براجمان ہیں۔
- Advertisement -
اوپنر عبداللہ شفیق کو بھی میچ وننگ اننگ کھیلنے کا انعام مل گیا ہے، وہ 23 درجہ ترقی پاکر 16 ویں نمبر پر آگئے ہیں۔
بولرز رینکنگ میں شاہین بھی ایک درجہ ترقی پاکر ٹاپ تھری میں آگئے ہیں۔
