وفاقی وزیر سائنس و ٹیکنالوجی فواد چوہدری نے کہا ہے کہ پاکستان نےالیکٹرانک ووٹنگ مشین تیارکرلی، مشین کےذریعےووٹرکسی بھی نشان پرکلک کرکےووٹ ڈال سکےگا۔
وفاقی وزیرفوادچوہدری نے ووٹنگ مشین سے متعلق بریفنگ دیتے ہوئے بتایا کہ الیکٹرانک ووٹنگ مشین کو 2 حصوں میں تقسیم کیاگیاہے پہلےحصے پر انتخابی نشانات ہوں گے اور مشین کا دوسراحصہ پریزائیڈنگ آفیسر کے پاس ہوگا جسے آفیسرہی الیکٹرانک ووٹنگ مشین آن کرسکےگا۔
فوادچوہدری نے کہا کہ مشین کےذریعےووٹرکسی بھی نشان پر کلک کر کے ووٹ ڈال سکےگا، انتخابی نشان پرکلک کرکےالیکٹرانک ووٹ کاسٹ ہوجائےگا، مشین سےووٹ کےساتھ بیلٹ پیپربھی پرنٹ ہوسکےگا۔
وفاقی وزیر کا کہنا تھا کہ بیلٹ پیپرپرووٹ کاسٹنگ کیلئےبھی اسےاستعمال کیا جا سکتا ہے، مشین کونادرا،نسٹ اور کامسیٹ کیساتھ شیئرکرنےجارہےہیں۔
انہوں نے کہا کہ وزرات سائنس اورنیشنل انسٹی ٹیوٹ آف الیکٹرانکس نےبڑازبردست کام کیا، الیکٹرانک ووٹنگ مشین پرمزیدکام جاری ہےاورآخری مراحل میں ہے، ضروری ہےہم ووٹنگ کوالیکٹرانک مشین کےاوپرلائیں۔
فواد چوہدری نے کہا کہ ڈسکہ اورباقی جگہوں میں جوکچھ ہوااس سےنمٹنےکیلئےیہ بہت ضروری ہے، الیکٹرانک ووٹنگ مشین سےالیکشن پرامن ہوں گے اور دھاندلی سےچھٹکارا مل جائے گا۔
