کراچی : پاکستان اسٹاک مارکیٹ کھلتے ہی چند منٹوں میں ایک ہزار سے زائد پوائنٹس کا اضافہ ریکارڈ کیا گیا اور انڈیکس ایک بار پھر48 ہزار کی نفسیاتی حد عبور کر گیا۔
تفصیلات کے مطابق پاکستان اسٹاک مارکیٹ میں زبردست تیزی ریکارڈ کی گئی ، کاروباری ہفتے کے آخری روز ہنڈریڈ انڈیکس کھلتے ہی چند منٹوں میں ایک ہزار نوے پوائنٹس کا اضافہ دیکھا گیا۔
جس کے بعد انڈیکس ایک بار پھر 48 ہزار کی نفسیاتی حد عبور کر گیا لیکن اس سطح کو برقرار نہ رکھ سکا۔
اس وقت تقریبا آٹھ سو انیس پوائنٹس اضافہ کے ساتھ اڑتالیس ہزار چھ سو اٹھائیس پوائنٹس کی سطح پر ٹریڈ کر رہا ہے۔
اسٹاک ماہرین کا کہنا ہے کہ ایم ایس سی آئی فرنٹیئر مارکیٹ انڈیکس میں مزید پندرہ کمپنیوں کو شامل کر لیا گیا ہے۔
ماہرین کے مطابق رواں ہفتے تقریبا چھبیس ملین ڈالر کی غیرملکی سرمایہ کاری اسٹاک مارکیٹ میں آ چکی ہے، جس کی وجہ سے مارکیٹ میں تیزی دیکھی جارہی ہے۔
