پاکستان کرکٹ ٹیم جو دو ٹیسٹ پر مشتمل سیریز کھیلنے کے لیے سری لنکا پہنچ چکی ہے آج سے پہلا دو روزہ وارم اپ میچ کھیلے گی۔
اے آر وائی نیوز کے مطابق پاکستان کرکٹ ٹیم دو ٹیسٹ میچوں پر مشتمل سیریز کے گزشتہ دنوں سری لنکا پہنچی تھی جو اب کولمبو سے ہمبن ٹوٹا میں ڈیرے ڈال چکی ہے۔ قومی ٹیم آج سے دو روزہ پہلا وارم اپ میچ کھیلے گی۔
پہلے ٹیسٹ میچ کا آغاز 16 جولائی سے گال میں ہوگا جبکہ دوسرا اور آخری ٹیسٹ میچ 24 جولائی سے کولمبو میں شیڈول ہے۔
واضح رہے کہ دونوں ٹیمیں اس سیریز سے آئی سی سی ٹیسٹ چیمپئن شپ کے تیسرے سائیکل کے سفر کا آغاز کریں گے۔ دو سال کے اس سائیکل میں تمام ٹیمیں چھ چھ سیریز کھیلیں گی۔ پاکستان اپنی تین سریز ہوم اور تین اوے کھیلے گا۔
سال 2021 میں پہلی آئی سی سی ٹیسٹ چیمپئن شپ کی فاتح نیوزی لینڈ رہی تھی جب رواں سال یہ ٹرافی آسٹریلیا نے اٹھائی۔ دونوں ٹیموں نے فائنل میں بھارت کو ہرایا تھا۔
سری لنکا کیخلاف ٹیسٹ سیریز، قومی کرکٹ ٹیم دو روزہ وارم اپ میچ کے لیے کولمبو سے ہمبن ٹوٹا پہنچ گئی، پریکٹس میچ آج شروع ہوگا،پاکستان اورسری لنکاکے درمیان پہلا ٹیسٹ سولہ جولائی سے گال، اور دوسرا چوبیس جولائی سے کولمبو میں کھیلا جائے گا۔
