سڈنی ٹیسٹ آسٹریلوی اوپنر ڈیوڈ وارنر کے کیریئر کا آخری ٹیسٹ تھا میچ کے اختتام پر قومی ٹیم کی جانب سے وارنر کو تحفہ پیش کیا گیا۔
پاکستان آسٹریلیا میں سیریز تو کیا ایک ٹیسٹ میچ بھی نہ جیت سکا لیکن سڈنی ٹیسٹ کے ساتھ اپنے شاندار ٹیسٹ کیریئر کا اختتام کرنے والے ڈیوڈ وارنر کو قومی ٹیم نے تحفہ پیش کر کے دل ضرور جیت لیے۔
سڈنی ٹیسٹ کے اختتامی روز پاکستان کرکٹ ٹیم کے کپتان شان مسعود نے ڈیوڈ وارنر کو سابق قومی کپتان اور موجودہ دور نے بہترین کرکٹرز میں سے ایک بابر اعظم کی جرسی تحفے میں دی اور ان کے لیے نیک خواہشات کا اظہار کیا۔
Spirit of cricket. Signed jersey presented to David Warner following his farewell Test #AUSvPAK pic.twitter.com/ZhQeeeMJCX
— Pakistan Cricket (@TheRealPCB) January 6, 2024
اس موقع پر وارنر نے بھی قومی کپتان اور پاکستان کرکٹ کا شکریہ ادا کیا۔
عامر جمال کو محنت کا صلہ مل گیا
یاد رہے کہ سڈنی ٹیسٹ میں آسٹریلیا نے پاکستان کو 8 وکٹوں سے شکست دے کر نہ صرف ٹیسٹ بلکہ سیریز میں وائٹ واش بھی کیا۔ کینگروز نے اپنی سر زمین پر شاہینوں کو چھٹی بار اس ہزیمت سے دوچار کیا ہے۔
