اسلام آباد : پاکستان کے اسٹاف لیول معاہدے کے لئے آئی ایم ایف کے ساتھ مذاکرات کامیاب نہ ہو سکے، معاہدہ ختم ہونے میں صرف 10 روز باقی ہیں۔
تفصیلات کے مطابق حکومتی معاشی ٹیم اور آئی ایم ایف کے درمیان تاحال اسٹاف لیول معاہدے پر پیشرفت نہ ہو سکی ، ذرائع کا کہنا ہے کہ معاشی ٹیم کے آئی ایم ایف کے ساتھ مذاکرات کامیاب نہ ہو سکے۔
ذرائع وزارت خزانہ نے بتایا کہ آئی ایم ایف کو ایکسٹرنل فنانسنگ اور بجٹ پر تحفظات دور کرنے میں کامیاب نہیں ہوئے، مذاکرات کامیاب نہ ہونے کے بعد وزیرخزانہ نے مختلف ممالک کے سفیروں سے ملاقاتیں کی۔
وزیر خزانہ نے مختلف ممالک کے سفیروں کو آئی ایم ایف کے ساتھ مذاکرات سے آگاہ کیا ، وزیرخزانہ کی سفارش پر مختلف ممالک کے سفیر بھی آئی ایم ایف سے بات چیت کریں گے۔
وزیرخزانہ دوبارہ بھی آئی ایم ایف کے ساتھ بات چیت کریں گے، پاکستان اور آئی ایم ایف کے درمیان موجودہ معاہدہ ختم ہونے میں صرف 10 روز باقی ہیں۔
