سری لنکا کے خلاف دو ٹیسٹ میچز کی سیریز کے لیے قومی ٹیسٹ اسکواڈ کا اعلان کل ہونے کا امکان ہے۔
اے آر وائی نیوز کے مطابق پاک سری لنکا ٹیسٹ سیریز میں شاہین شاہ آفریدی کی ایک سال بعد ٹیسٹ کرکٹ میں واپسی کا امکان ہے۔
آل راؤنڈر عامر جمال اور محمد ہریرہ کو اسکواڈ میں شامل کیا جاسکتا ہے جبکہ کامران غلام، وسیم جونیئر اور زاہد محمود کو ڈراپ کیا جاسکتا ہے۔
ذرائع کے مطابق ٹیسٹ سیریز کے لیے قومی ٹیم میں وکٹ کیپر سرفراز احمد اور فاسٹ بولر حسن علی کی جگہ برقرار رہے گی۔
واضح رہے کہ قومی ٹیم سری لنکا کیخلاف جولائی میں دو ٹیسٹ میچز کی سیریز کھیلے گی جو ورلڈ ٹیسٹ چیمپئن شپ کا حصہ ہے۔
پاکستان اور سری لنکا کی ٹیسٹ سیریز 16 جولائی بروز اتوار سے شروع ہونے کا امکان ہے، ٹیسٹ سیریز آئی سی سی ٹیسٹ چیمپئن شپ کا حصہ ہوگی۔
ٹیسٹ سیریز کے میچز کولمبو اور گال کے میدان میں ہونے کا امکان ہے۔
سری لنکا کرکٹ بورڈ آئندہ چند روز میں سیریز کے شیڈول کا حتمی اعلان کرے گا، پہلا ٹیسٹ 16 سے 20 اور دوسرا ٹیسٹ 24 سے 28 جولائی تک کھیلے جانے کا امکان ہے۔