پاکستانی گیمر ارسلان ایش صدیقی نے لاس ویگاس میں منعقد ہونے والے ویڈیو گیمنگ ٹورنامنٹ اِیوو 2023 میں ’ٹیکن 7‘ کا مقابلہ جیت لیا۔
اتوار کو لاس ویگاس میں ٹائٹل جیتنے کے بعد پاکستان کے ٹیکن اسٹار ارسلان ایش صدیق چوتھی بار ای وی او چیمپئن بن گئے، 27 سالہ نوجوان نے اپنی مہارت سے فائنل میں جاپان کے کھلاڑی کو 3 صفر سے شکست دیدی۔
لاہور سے تعلق رکھنے والے کھلاڑی ارسلان نے تیسری بار ٹیکن 7 کے فائنل میں جنوبی کورین پلیئر میوال کو 0-3 سے شكست دے کر ایوو ٹورنامنٹ جیتا تھا۔
پاکستان کے ای اسپورٹس کنگ ارسلان ایش نے ایک اور ٹورنامنٹ جیت لیا
ارسلان دنیا کے واحد کھلاڑی ہیں جنہوں نے ٹیکن 7 میں چار بار یہ اعزاز حاصل کیا۔ انہوں نے 2019 میں جاپان اور لاس ویگاس میں ٹائٹل جیتا تھا اور اس سال بھی اپنی متاثر کن گیم سے یہی کارنامہ انجام دیا۔
Congratulations to @ArslanAsh95 for winning #Evo2023 and becoming the first player to claim four Evo titles for TEKKEN 7! pic.twitter.com/jzM7unNwMw
— EVO (@EVO) August 6, 2023
ایک رپورٹ کے مطابق اِیوو دنیا کا سب سے بڑا فائٹنگ گیم ٹورنامنٹ ہے جہاں دنیا بھر سے فائٹنگ گیم کے کھلاڑی امریکا کے شہر لاس ویگاس میں ایک دوسرے سے مقابلہ کرنے کے لیے جمع ہوتے ہیں۔
ٹیکن کی دنیا میں امریکا کے بعد سب سے بڑا مقابلہ جاپان میں ہونے والا ایوو جاپان ہے۔