خیبرپختونخواہ میں ڈاکٹروں کی ہڑتال سے مریض پریشان -
The news is by your side.

Advertisement

خیبرپختونخواہ میں ڈاکٹروں کی ہڑتال سے مریض پریشان

پشاور: خیبرپختونخوا کےسرکاری اسپتالوں میں لازمی سول سروس ایکٹ کے خلاف ڈاکٹروں کی ہڑتال جاری ہے اورہڑتال سے پریشان مریض بھی ڈاکٹروں کے خلاف سڑکوں پرآگئے۔

خیبرپختونخواہ میں ڈاکٹرزنے مطالبات نہ ماننے کی صورت میں سڑکوں پرآنے کی دھمکی دی لیکن مریض اتنے پریشان ہوئے کہ وہ ڈاکٹرز کے خلاف سڑکوں پرنکل آئے ۔

مریضوں کے لواحقین نےپشاور لیڈی ریڈ نگ اسپتال میں ڈاکٹرز کے خلاف احتجاج کیا، ایک بوڑھے باپ کا کہنا ہے کہ بچے کو چار دن سے بخار ہے ڈاکٹرز کی ہڑتال ہے کہ ختم ہونے کا نام نہیں لے رہی۔

دوسری جانب ہیلتھ ایمپلائزکوآڈینیشن کونسل نے لیڈی ریڈنگ اسپتال کے ایڈمنسٹریشن بلاک کے سامنے
لازمی سروس ایکٹ کے نفاذ کے خلاف احتجاج کیا، اپنے مطالبات پرڈٹے ہوئے ڈاکٹرزایک انچ بھی پیچھے ہٹنے کیلئےتیارنہیں۔

واضح رہے کہ ینگ ڈاکٹرزسمیت پچیس ہیلتھ ایسوسی ایشنز ایک ہفتے سے احتجاج پرہیں جس کے سبب مریضوں کو شدید مشکلات کا سامنا کرنا پڑرہا ہے۔

Comments

comments

یہ بھی پڑھیں