لاہور : پاکستان کرکٹ بورڈ (پی سی بی) نے افغانستان اور ایشیا کپ کیلئے کوچنگ اسٹاف کا اعلان کردیا،
پی سی بی حکام کے مطابق مکی آرتھر ٹیم کے ڈائریکٹر ہوں گے جبکہ بریڈ برن ٹیم کے ہیڈ کوچ برقرار رہیں گے۔
اس کے علاوہ اینڈریو پیٹرک بیٹنگ کوچ، مورنی مورکل کو ٹیم کا بولنگ کوچ مقرر کیا گیا ہے اور آفتاب خان فیلڈنگ کوچ، ریحان الحق ٹیم منیجر ہوں گے۔
عبد الرحمان اسسٹنٹ کوچ، سہیل سلیم ڈاکٹر، ڈریکوس سائمن سٹریتھ کوچ، کلف ڈیکن فزیو ہوں گے، احسن ناگی میڈیا منیجر، لیفٹیننٹ کرنل ( ر)عثمان انوری سیکیورٹی منیجر ہوں گے۔
پی سی بی حکام کے مطابق عمار احسن ایشیا کپ کے لئے ڈیجیٹل کانٹینٹ پروڈیوسر، مقبول بابری سائیکالوجسٹ ہوں گے، طلحہ اعجاز اینالسٹ اورملنگ علی مساجر ہوں گے۔
واضح رہے افغانستان کے خلاف تین ون ڈے میچز کی سیریز 22 سے 26 اگست تک سری لنکا میں کھیلی جائے گی۔
علاوہ ازیں ذرائع کے مطابق پاکستان کرکٹ ٹیم کا غیرملکی کوچنگ اسٹاف رواں ہفتے لاہور پہنچے گا، غیر ملکی کوچنگ اسٹاف دورہ سری لنکا کے اختتام پر چھٹیوں پر چلا گیا تھا۔
قومی ٹیم کے ہیڈ کوچ گرانٹ بریڈ اور بیٹنگ کوچ اینڈریو پیوٹک آج جمعہ کو لاہور پہنچیں گے جبکہ فزیو کلف ڈیکن اور ٹرینر ڈریکس سائمن بھی رواں ہفتے کے آخر میں پہنچ رہے ہیں۔
