پشاور: صوبہ خیبر پختونخواہ میں طوفانی بارشوں اور آندھی سے اب تک 28 افراد جاں بحق اور ڈیڑھ سو زخمی ہوگئے ہیں، درجنوں گھروں کو نقصان پہنچا ہے۔
تفصیلات کے مطابق صوبائی ڈیزاسٹر مینجمنٹ اتھارٹی (پی ڈی ایم اے) کے ترجمان تیمور علی کا کہنا ہے کہ صوبے میں ہفتے کے روز آنے والی آندھی سے نقصانات ہوئے۔ نقصانات بنوں، ڈیرہ اسماعیل خان، لکی مروت اور کرک میں ہوئے۔
ترجمان کا کہنا ہے کہ حادثات میں 28 افراد جاں بحق اور ڈیڑھ سو کے قریب زخمی ہوئے۔
- Advertisement -
آندھی سے 158 گھروں کو نقصان پہنچا، پی ڈی ایم اے نے 4 کروڑ روپے جاری کیے ہیں جو بنوں کے متاثرین میں تقسیم ہوں گے۔
ترجمان نے مزید کہا کہ وزیر اعظم کی خصوصی ہدایت پر پی ایم پیکج کا اعلان کیا گیا ہے، جاں بحق افراد کے ورثا اور زخمیوں کو امداد فراہم کی جائے گی۔
