کراچی : پاکستان انٹرنیشنل ایئر لائنز (پی آئی اے) کی ایئر ہوسٹس کینیڈا جاکر لاپتا ہوگئی جس کی تلاش جاری ہے۔
اس حوالے سے ترجمان پی آئی اے کا کہنا ہے کہ ایئر ہوسٹس فائزہ مختار اسلام آباد سے ٹورنٹو کی پرواز پی کے781 پر تعینات تھی۔
مبینہ طور پر سلپ ہونے والی خاتون کو ٹورنٹو سے کراچی کی پرواز784 پر ڈیوٹی کے فرائض انجام دینا تھے، فائزہ مختار کے مبینہ طور پر سلپ ہونے کا علم واپسی کی پرواز کیلئے عملے کے ساتھ رپورٹ نہ کرنے پر ہوا۔
View this post on Instagram
- Advertisement -
ترجمان پی آئی اے کے مطابق فائزہ مختار کے خلاف محکمانہ تادیبی کارروائی کا آغاز کردیا گیا ہے، فضائی میزبانوں کے حلف ناموں کے ذریعے ایف آئی اے سے بھی کارروائی کے لئے رابطے کیا جائے گا۔
یاد رہے کہ اس سے قبل سال 2018 میں لاہور سے تعلق رکھنے والی ایک ایئر ہوسٹس بھی کینیڈا جاکر لاپتا ہوگئی تھی۔
