میڈرڈ: دنیا بھر میں غزہ میں فوری جنگ بندی کے لیے بڑی تعداد میں مظاہرے ہو رہے ہیں اور رنگ، نسل اور مذہب سے بالاتر ہو کر لاکھوں لوگ مظلوم فلسطینیوں کے حق میں آواز بلند کر رہے ہیں لیکن گزشتہ روز سلامتی کونسل کے اجلاس میں امریکا نے جب فوری جنگ بندی کی قرارداد کو ویٹو کر دیا تو انسانیت کا سر شرم سے جھک گیا۔
غزہ کے مظلوم انسانوں کے حق میں بہت سے دیگر ممالک کی طرح اسپین میں بھی لوگ سراپا احتجاج ہیں، گزشتہ روز ہزاروں مظاہرین نے مل کر ایک انتہائی انوکھا احتجاج کیا، انھوں نے فنون کی تاریخ کے ایک عظیم پینٹر پابلو پکاسو کی مشہور ترین پینٹنگ ’گورنیکا‘ اٹھا کر انسانی سروں کے ساتھ فلسطینی جھنڈا بنایا اور دنیا کو اپنا ایک نیا پیغام دیا۔
روئٹرز کے مطابق جمعہ کو اسپین کی خود مختار کمیونٹی باسک کنٹری میں ایک بہت بڑی تعداد میں فلسطینی حامیوں نے مظاہرے کے لیے پابلو پکاسو کی مشہور پینٹنگ گورنیکا سے مدد لی، پکاسو کی یہ پینٹگ جنگ مخالف فن پارہ ہے، جس کے ساتھ مظاہرین نے انسانی موزیک بنایا اور فن پارے کو غزہ سے جوڑ کر پیش کیا۔
یہ مظاہرہ بھی گورنیکا شہر کے سابقہ مارکیٹ اسکوائر پر ہوا، جس پر 1937 میں ہسپانوی خانہ جنگی کے دوران نازی جرمنی کے تباہ کن جنگی فضائی ہتھیار ’لفٹوافے‘ نے بمباری کی تھی۔ پابلو پکاسو نے اس بمباری کی یاد میں اسی سال ہی ایک بہت بڑی بلیک اینڈ وائٹ آئل پینٹنگ تخلیق کی، جس کا شہرہ آج بھی پوری دنیا میں ہے۔
امریکی وزیر خارجہ کے گھر کے سامنے اور دنیا بھر میں سفارتخانوں کے باہر غزہ کے لیے مظاہرے
یہ پکاسو کے سب سے مشہور فن پاروں میں سے ایک ہے، جسے بہت سے آرٹ ناقدین تاریخ کی سب سے متحرک اور طاقتور اینٹی جنگ پینٹنگ کے طور پر دیکھتے ہیں۔ یہ فن پارہ میڈرڈ کے میوزیو رینا صوفیہ میں رکھا گیا ہے۔
تل ابیب کو جلا کر راکھ کر دیں گے، حماس نے دشمن پر ہیبت طاری کرنے والی تیاری کی ویڈیو جاری کر دی
مظاہرے کے دوران خطاب کرتے ہوئے خاتون رہنما فاطمہ الہوسری نے کہا کہ دنیا غزہ میں ’نیو گورنیکا‘ کو قبول نہیں کر سکتی۔ انھوں نے کہا فلسطین میں جو کچھ ہو رہا ہے اسے دنیا اور تاریخ قبول نہیں کر سکتی، دنیا اور تاریخ ایک نئی گورنیکا کو قبول نہیں کر سکتی۔
