انسانی اسمگلنگ کے شبے میں فرانس نے 4 روز تک روکے گئے بھارتی طیارے کو واپس بھارت روانہ کردیا ہے۔
بین الاقوامی خبر رساں ادارے کے مطابق فرانسیسی حکام کا کہنا ہے کہ انسانی اسمگلنگ سے متعلق خفیہ اطلاع ملنے پر جہاز کو 21 دسمبر کو تحویل میں لے لیا گیا تھا۔
رومانین طیارہ متحدہ عرب امارات سے مسافروں کو لیکر نکاراگوا کی جانب گامزن تھا، فرانس کے واٹری ائیرپورٹ پر طیارے نے سپلائی کیلئے لینڈ کیا تھا۔
طیارے میں 300 سے زیادہ بھارتی باشندے سوار تھے، امارات سے نکاراگوا جانے والے طیارے کو چار روز تک فرانس کی شمپین کاؤنٹی کے ائیرپورٹ پر روک لیا گیا تھا۔
مقامی انتظامیہ کا اس حوالے سے کہنا ہے کہ طیارے کے 303 مسافروں میں سے 276 کو ممبئی واپس روانہ کردیا گیا ہے، جبکہ باقی 25 مسافروں نے فرانس میں سیاسی پناہ کی درخواست دائر کردی ہے، ان میں 21 ماہ کا بچہ اورمتعدد نابالغ بھی شامل ہیں۔
راہول گاندھی نے کون سے سفر کا ارادہ کرلیا۔۔۔؟
پیرس کے پراسیکیوٹر کے دفترکے مطابق پولیس نے خفیہ اطلاع ملنے کے بعد طیارے کو روکا تھا۔ 2 افراد کوانسانی اسمگلنگ کی تحقیقات کے سلسلے میں گرفتار کیا گیا تھا، جنہیں جج کے سامنے پیش ہونے کے بعد رہا کردیا گیا ہے۔
