The news is by your side.

Advertisement

وزیر اعظم اور ایران کے سپریم لیڈر کی اہم ملاقات

تہران: وزیراعظم عمران خان نے ایران کے سپریم لیڈر، سید علی خامنہ ای سے ملاقات کی.

تفصیلات کے مطابق اس ملاقات میں ایرانی صدر حسن روحانی بھی شریک ہوئے. ملاقات میں پاک ایران تعلقات میں استحکام اور خطے کی مجموعی صورت حال پرتبادلہ خیال کیا گیا.

یاد رہے کہ آج ایرانی صدر حسن روحانی نے وزیر اعظم عمران خان کے ہمراہ مشترکہ پریس کانفرنس کرتے ہوئے کہا تھا کہ دہشت گردی کے خلاف جوائنٹ ریپڈ ری ایکشن فورس بنائی جائے گی، دونوں ممالک کے تعلقات دیرینہ، ثقافتی اور  مذہبی ہیں، وزیر  اعظم پاکستان اور  وفد کی آمد کے مشکور ہیں۔

ایرانی صدر کا کہنا تھا کہ دونوں ممالک کے تعلقات کو قدر کی نگاہ سے دیکھتے ہیں، ملاقات میں پاک ایران تعلقات میں مزید وسعت پر تبادلہ خیال ہوا۔ 

مزید پڑھیں: دہشت گردی کے خلاف جوائنٹ ریپڈ ری ایکشن فورس بنائی جائے گی: مشترکہ پریس کانفرنس

اس موقع پر وزیر اعظم عمران خان نے کہا کہ دہشت گردی کی وجہ سے دونوں ممالک میں دوریاں پیدا ہوئیں، دونوں ممالک کے درمیان ان فاصلوں کو ختم ہونا چاہیئے۔ پاکستانی عوام اور فورسز نے دہشت گردی کے خلاف بھرپور جنگ لڑی۔ نیٹو اور بھرپور فوجی طاقت کے باوجود افغانستان میں امن قائم نہ ہوسکا۔

عمران خان کا کہنا تھا کہ کسی کے خلاف بھی پاکستانی سرزمین استعمال نہیں ہونے دیں گے، پاکستانی سرزمین سے متعلق فیصلہ مشترکہ اور ہمارے مفاد میں ہے۔

Comments

comments

یہ بھی پڑھیں