The news is by your side.

Advertisement

بجلی صارفین سے پی ٹی وی کیلیے 8 ارب روپے فیس وصول

وزارت اطلاعات و نشریات نے ایوان بالا کو بتایا ہے کہ ایک سال کے دوران پی ٹی وی فیس کی مد میں 8 ارب سے ‏زائد روپے بجلی صارفین سے وصول کیے گئے۔

تفصیلات کے مطاب ق چیئرمین صادق سنجرانی کی زیر صدرات سینیٹ اجلاس ہوا جس میں وزارت اطلاعات نے ‏سرکاری ٹی وی کی آمدن اور ادائیگیوں سےمتعلق تحریری جواب پیش کیا۔

تحریری جواب کے مطابق گزشتہ مالی سال میں پی ٹی وی فیس کی مدمیں 8ارب10کروڑ وصول کیےگئے یہ رقم ‏پی ٹی وی فیس کی مدمیں بجلی صارفین سےوصول کی گئی جب کہ بجلی بلوں کی مدمیں پی ٹی وی کے 97کروڑ ‏ابھی تک واجب الادا ہیں۔

جواب میں کہا گیا ہے کہ گزشتہ مالی سال اندرون اور بیرونی وسائل سے1ارب 3کروڑ آمدن حاصل کی، مالی ‏سال2019-20 میں پی ٹی وی کو 1ارب16کروڑ کا منافع ہوا۔

جواب کے مطابق سرکاری ٹی وی70کروڑ روپے سے زائد کا مقروض ہے سرکاری ٹی وی نےپنشن مدمیں ساڑھے ‏‏13ارب کی ادائیگیاں کرنی ہیں مجموعی طور پر18ارب سے زائدواجب الادا ہیں۔

Comments

یہ بھی پڑھیں