کراچی : وزیر خارجہ اور چیئرمین پیپلزپارٹی بلاول بھٹو زرداری نے کہا ہے کہ آصف زرداری کی وجہ سے پاکستان کو سی پیک ملا، باقی صرف باتیں کرتے ہیں ہم نے کام کرکے دکھایا۔ ،
کراچی میں دھابیجی اکنامک زون کا سنگ بنیاد رکھنے کے بعد تقریب سے خطاب کرتے ہوئے بلاول بھٹو نے کہا کہ یہ پیپلزپارٹی کا ایک اور کامیاب منصوبہ ہے، انہوں نے کہا کہ دھابیجی اسپیشل اکنامک زون چلے گا تو ایک لاکھ50ہزار روزگار نوجوانوں کو ملے گا،معاشی انقلاب کو کراچی اور ٹھٹھہ سے شروع کرکے پورے ملک میں پھیلائیں گے، عوام کے مسائل کا حل تیر کا نشان ہے۔
ان کا کہنا تھا کہ باقی صرف باتیں کرتے پی پی نے کام کرکے دکھایا، میں وزیراعلیٰ سندھ کو مبارکباد پیش کروں گا کہ انہوں نے اس تصور کو زائل کردیا کہ اصلی سیاسی جماعتیں ناکام ہوچکی ہیں اور اب ایک نئی سیاسی جماعت کی ضرورت ہے۔
انہوں نے کہا کہ پیپلزپارٹی کیخلاف سازش کے تحت کردارکشی کی گئی، ہم نے تبدیلی کےنام پر ملک میں تباہی دیکھی، آصف زرداری کے چین کے دوروں کی وجہ سے پاکستان کو سی پیک ملا، جن پر تنقید کی جاتی تھی اور انہیں قومی خزانے پر بوجھ قرار دیا جاتا تھا۔
انہوں نے کہا کہ شہید محترمہ بینظیر بھٹو نے پبلک پرائیویٹ پارٹنرشپ کا تصور پیش کیا جس کے تحت پیپلزپارٹی نے کئی منصوبوں کی بنیاد رکھی۔ کراچی کو ناقابل رہائش شہروں میں شمار کرنے والے دی اکانومسٹ نے ہی پیپلزپارٹی کے پبلک پرائیویٹ پارٹنر شپ کے تحت چلنے والوں منصوبوں کو ایشیا کے چھٹے بہترین منصوبوں کے طور پر شمار کیا۔
ٹھٹہ: پاکستان پیپلزپارٹی کے چیئرمین اور وزیر خارجہ بلاول بھٹو زرداری وزیراعلی سندھ سید مراد علی شاہ اور ان کے معاون خصوصی برائے سرمایہ کاری اور پبلک پرائیوٹ پارٹنرشپ یونٹ قاسم نوید قمر کے ہمراہ دھابیجی اسپیشل اکنامک زون کے منصوبے کے سنگ بنیاد رکھ رہے ہیں۔@BBhuttoZardari… pic.twitter.com/qvKx4OUOC1
— PPP (@MediaCellPPP) July 15, 2023
بلاول بھٹو کا کہنا تھا کہ دھابیجی اسپیشل اکنامک زون چلے گا تو ایک لاکھ50ہزار روزگار نوجوانوں کو ملے گا،معاشی انقلاب کو کراچی اور ٹھٹھہ سے شروع کرکے پورے ملک میں پھیلائیں گے، کاروباری طبقے کے ساتھ مل کر ہم ایسے کام کریں گے جس سے ہم نوجوانوں کے لیے روزگار کے مواقع پیدا کرسکیں۔عوام کے مسائل کا حل تیر کا نشان ہے۔
