نئی دہلی: کانگریس رہنماء پرینکا گاندھی کا غزہ کی پٹی میں اسرائیل کا نام لیے بغیر اسرائیلی کارروائیوں کی سخت مذمت کرتے ہوئے کہنا تھا کہ اس نسل کشی نے خوفناک نظیر قائم کی ہے اور اسے انسانی تاریخ میں ایک شرمناک واقعہ کے طور پر یاد رکھا جائے گا۔
بین الاقوامی خبر رساں ادارے کی رپورٹ کے مطابق کانگریس جنرل سکریٹری نے ایک سوشل میڈیا پوسٹ میں غزہ کے اسپتالوں پر بمباری کے واقعات اور غزہ میں ڈاکٹروں کے خلاف مبینہ تشدد کے واقعات کا حوالہ دیا۔
کانگریس رہنماء پرینکا گاندھی کی جانب سے اسرائیل میں ”جابر حکومت” کو فنڈنگ اور اسلحہ فراہم کرنے پر بھی تشویش کا اظہار کیا گیا۔
سوشل میڈیا پلیٹ فارم ایکس پر کانگریس رہنماء نے جنگ کا ذکر کرتے ہوئے کہا کہ ”بین الاقوامی برادری نے غزہ میں جس چیز کی اجازت دی ہے وہ تاریخ میں نہ صرف پوری انسانیت کے لیے بڑی شرم کی بات ہے۔”
کانگریس رہنما ء نے کہا کہ انسانیت کا لہو بہایا گیا ہے اور ہم میں سے ہر ایک کو ایک دن اس کی ناقابل تصور قیمت چکانا پڑے گی، انصاف کے تمام اصولوں، انسانیت اور بین الاقوامی روایات کو توڑ دیا گیا ہے۔
پرینکا گاندھی کا کہنا تھا کہ کوئی اس وقت بھی قدم نہیں اٹھا رہا جب ”پوری قوم“مدد کی بھیک مانگ رہی ہے، دنیا نے غزہ کی پٹی میں کی جانے والی ”نسل کشی” پر آنکھیں بند کی ہوئی ہیں۔
کانگریس رہنما کا کہنا تھا کہ ”نسل کشی پر آنکھیں بند کر لینا ایسا ہے جیسا کہ یہ استثنیٰ کے ساتھ کیا گیا ہو۔ جب پوری قوم بھوک سے مر رہی ہے اور مدد کی بھیک مانگ رہی ہے، ہزاروں معصوم بچوں کے بے رحمانہ قتل کی طرف سے منہ موڑ لیا گیا ہے۔
مہاراشٹر کے سابق وزیر اعلیٰ منوہر جوشی چل بسے
انہوں نے کہا کہ مریضوں کو مرنے کے لیے چھوڑ دیا گیا، اسپتالوں پر بمباری کی گئی، ڈاکٹروں کو تشدد کا نشانہ بنایا گیا۔
