site
stats
پاکستان

قذافی اسٹیڈیم کے گرد دکانیں کل سے 5 مارچ تک بند رکھنے کا فیصلہ

shop closed

لاہور:پی ایس ایل کا فائنل لاہور میں کرانے کے فیصلے کے بعد، قذافی اسٹیڈیم کے اطراف ریسٹورنٹس،دکانیں کل سے 5 مارچ تک بند رکھنے کا فیصلہ کرلیا گیا۔

تفصیلات کے مطابق پی ایس ایل کا فائنل لاہور میں کرانے کا حتمی فیصلہ کرلیا گیا، سیکیورٹی ادارے متحرک ہوگئے اور فیصلہ کیا گیا ہے کہ قذافی اسٹیڈیم کے گرد دکانیں اور ریسٹورنٹس کو کل سے پانچ مارچ تک کے لیے بند کرادیا جائے گا۔


پولیس کا کہنا ہے کہ آج رات سے قذافی اسٹیڈیم کے اردگرد اسنیپ چیکنگ کا آغاز کردیا جائے گا،نشتر پارک اسپورٹس کمپلیکس کے راستے آمدورفت کے لیے بند رہیں گے۔
اے آر وائی نیوز کے نمائندے نے بتایا کہ آج رات کے بعد سے قذافی اسٹیڈیم کے گرد دکانیں اور ریسٹورینٹس بند کردیے جائیں گے ، نشترپارک اسپورٹس کمپلیکس کے تمام راستے بند کردیے جائیں گے اور اسنیپ چیکنگ شروع کردی جائے گی۔

واضح رہے کہ پی ایس ایل کا فائنل لاہور میں کرانے کا حتمی فیصلہ کرلیا گیا ہے۔

یہ پڑھیں: دہشت گردی کے خدشات مسترد، پی ایس ایل کا فائنل لاہور میں کرانے کی منظوری

مختلف شخصیات نے فیصلے کو درست قرار دیا ہے تاہم عمران خان نے فیصلے پر تنقید کرتے ہوئے اسے پاگل پن قرار دیا۔

یہ بھی پڑھیں: پی ایس ایل کا فائنل لاہور میں کرانا پاگل پن ہے، عمران خان

پی ایس ایل کے چیئرمین نجم سیٹھی نے اعلان کیا ہےکہ فائنل کے ٹکٹ کل سے آئن لائن اور بدھ سے آؤٹ لیٹس پر ملیں گے، جبکہ آٹھ کرکٹ بورڈ کے سیکیورٹی ماہرین فائنل دیکھنے پاکستان پہنچ رہے ہیں۔

اسی سے متعلق: فائنل کے ٹکٹ کل سے ملیں‌ گے، نجم سیٹھی

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top