اسلام آباد : پی ٹی آئی انتخابی نشان کیس کی سماعت میں چیف جسٹس قاضی فائز عیسیٰ نے پی ٹی آئی چیف الیکشن کمشنر کے بار بار بولنے پربرہمی اظہار کرتے ہوئے کہا ہم اٹھ کر چلے جاتے ہیں۔
تفصیلات کے مطابق سپریم کورٹ میں پشاور ہائیکورٹ کے پی ٹی آئی انتخابی نشان سے متعلق فیصلے کیخلاف الیکشن کمیشن کی اپیل پر سماعت ہوئی، چیف جسٹس قاضی فائز عیسیٰ کی سربراہی میں 3 رکنی بینچ نے سماعت کی، بینچ میں جسٹس محمد علی مظہر اور جسٹس مسرت ہلالی شامل ہیں۔
دوران سماعت پی ٹی آئی چیف الیکشن کمشنر نیاز اللہ نیازی کے بار بار بولنے پر چیف جسٹس نے برہمی کا اظہار کرتے ہوئے کہا کہ سماعت میں وقفہ یہ کوئی طریقہ نہیں ہے، ہم اٹھ جاتے ہیں۔
نیاز اللہ نیازی اور چیف جسٹس کے درمیان تلخ جملوں کا تبادلہ ہوا، نیاز اللہ نیازی نے کہا کہ آپ نےمیرےبیٹےکے لائسنس انٹرویو میں بھی پی ٹی آئی کےسوالات پوچھےتھے، آپ میری تذلیل کر رہے ہیں۔
جس پر چیف جسٹس کا کہنا تھا کہ مجھے علم ہی نہیں کہ نیاز اللہ نیازی کا کوئی بیٹا بھی ہے، اگر ایسے کرنا ہے تو ہم اٹھ کر چلے جاتے ہیں،کیا ہم نیاز اللہ نیازی کو نوٹس جاری کریں؟
وکیل علی ظفر نے نیازاللہ نیازی کے رویے پر عدالت سے معذرت کرلی۔
