سندھ حکومت نے سابق وزیراعظم بینظیر بھٹو کی 15 ویں برسی کے موقع پر 27 دسمبر کو صوبے بھر میں عام تعطیل کا اعلان کیا ہے۔
اے آر وائی نیوز کے مطابق سندھ حکومت نے سابق وزیراعظم بینظیر بھٹو کی برسی کے سلسلے میں منگل 27 دسمبر کو صوبے بھر میں عام تعطیل کا اعلان کیا۔
اس موقع پر صوبے بھر میں سندھ حکومت کے ماتحت تمام سرکاری ادارے بند رہیں گے۔
- Advertisement -
اس کے علاوہ سندھ حکومت نے پیر 26 دسمبر کو مسیحی برادری کے سرکاری ملازمین کے لیے بھی چھٹی کا اعلان کیا ہے۔
اس حوالے سے چیف سیکریٹری سندھ سہیل راجپوت نے 26 دسمبر کی جزوی اور 27 دسمبر کی عام تعطیل کا نوٹیفیکشن جاری کردیا ہے۔
