خیبر:افغانستان کیلئے 32 ہزارمیٹرک ٹن چینی کی ایکسپورٹ کا کوٹہ آج ختم ہوگیا، کسٹمزذرائع کا کہنا ہے کہ 32ہزارمیٹرک ٹن چینی کوٹے کی منظوری حکومت پاکستان نے دی تھی۔
کسٹمزذرائع کے مطابق منظوری کے بعد افغانستان کو چینی برآمد کی جاتی رہی، اسمگلنگ بھی ہوتی رہی، مختلف مواقع پر طورخم اورمیچنی پرکسٹم حکام نے اسمگلنگ کو ناکام بنایا ہے۔
ذرائع کے مطابق چند مہینے میں 50 کلو چینی کے477 بیگز برآمد کر کے ضبط کئے گئے، 20کیسز رجسٹرڈکئے اور10 گاڑیاں پکڑی گئی ہیں۔
- Advertisement -
حکومت پاکستان کی جانب سے افغانستان میں چینی کی ضروریات کو پورا کرنے کے لئے ایک مخصوص کوٹے کے تحت 32ہزار میٹرک ٹن چینی بر آمد کروانے کی منظوری دی گئی تھی، جس کی معیاد آج ختم ہوگئی۔
