اسلام آباد : اپوزیشن لیڈر راجہ ریاض اپوزیشن ارکان سے نگران وزیراعظم کے نام سے متعلق دوبارہ مشاورت کریں گے۔
تفصیلات کے مطابق قومی اسمبلی میں اپوزیشن لیڈر راجہ ریاض اپوزیشن ارکان سے دوبارہ مشاورت بدھ کو کریں گے۔
اپوزیشن لیڈر راجہ ریاض نگران وزیراعظم کے نام سے متعلق مشاورت کا ایک دور کرچکے ہیں، قومی اسمبلی میں اپوزیشن ارکان کیساتھ جماعت اسلامی اور جی ڈی اے ارکان سے بھی مشاور ت ہوگی۔
- Advertisement -
اپوزیشن لیڈر راجہ ریاض نے بتایا کہ بدھ کو قومی اسمبلی میں ہمارے گروپ کے ارکان کے ساتھ مشاورت ہے، نگران وزیراعظم کے لئے 3 نام تجویز کروں گا۔
راجہ ریاض کا کہنا تھا کہ کوشش ہے ناموں میں ماہرمعیشت، سیاستدان اور ٹیکنوکریٹ شامل ہوں۔
