اسلام آباد : سابق وزیرداخلہ رانا ثنااللہ نے سپریم کورٹ کے ریویو آف ججمنٹس اینڈ آرڈرز ایکٹ کے فیصلے کو پارلیمان کی توہین قراردے دیا۔
تفصیلات کے مطابق سابق وزیرداخلہ رانا ثنااللہ نے سپریم کورٹ کے جسٹس اینڈ ریویو ایکٹ کے فیصلے پر ردعمل دیتے ہوئے کہا کہ سپریم کورٹ نے پارلیمان کی توہین کی، مستقبل میں اس فیصلے کا نوٹس اور ردعمل آئے گا۔
سابق وزیرداخلہ کا کہنا تھا کہ سپریم کورٹ نے اختیار سے تجاوز کیا، پارلیمان آئین میں ترمیم کرکے یہ اختیار واپس لےسکتی ہے۔
