ممبئی: بالی ووڈ انڈسٹری کے نامور اداکار رنویر سنگھ اپنی شاندار اداکارانہ صلاحیتوں کی وجہ سے ہدایت کاروں اور مداحوں کی پسندیدہ شخصیت بن چکے ہیں تاہم اب انہوں نے خود بھی بتا دیا کہ وہ بچپن میں کس اداکار کے مداح تھے۔
کیا آپ جانتے ہیں ونویر سنگھ بچپن میں کس بالی ووڈ اداکار کے مداح تھے اور بڑے ہوکر انہی کی طرح بننا چاہتے تھے؟ یہ راز اُس وقت کھلا کہ جب بالی ووڈ کے ایکشن ہیرو اکشے کمار نے رنویر سنگھ کو اُن کی سالگرہ پر مبارک باد کا پیغام بھیجا۔
مزید پڑھیں: دپیکا اور رنویر کی شادی پکی، تاریخ کا اعلان
اکشے نے سماجی رابطے کی ویب سائٹ پر رنویر کو مخاطب کرتے ہوئے کہا کہ ’تمھاری شخصیت کو دیکھ کر بس ایک ہی لفظ ذہن میں آتا ہے اور وہ یہ کہ ایک ایسی شخصیت جو پرجوش ہے اور سب کو مسکرانے پر مجبور کردیتی ہے’۔
One word that comes to mind for @RanveerOfficial : DYNAMITE 💥 Dynamic personality and vibes which always make you smile. Wishing you a very happy birthday and an explosive year ahead 😁
— Akshay Kumar (@akshaykumar) July 6, 2018
جواب میں رنویر نے اکشے سے محبت کا اظہار کرتے ہوئے کہا کہ ’جب میں چھوٹا تھا تو آپ کی طرح ہی بننے کی خواہش تھی‘۔
When I grow up, I want to be like @akshaykumar ! 😘😘😘😘 Love you Sir ! https://t.co/MTbD4aKa9p
— Ranveer Singh (@RanveerOfficial) July 12, 2018
واضح رہے کہ سن 2010 سے بالی ووڈ انڈسٹری میں داخل ہوکر اپنی صلاحیتوں کا لوہا منوانے والے رنویر نے 12 جولائی کو اپنی 33ویں سالگرہ منائی، اس موقع پر انہیں دیگر اداکاروں نے بھی تہنیتی پیغامات بھیجے۔
ویڈیو دیکھیں: بالی ووڈ اداکار رنویر سنگھ دھمال پر جھوم اٹھے، ویڈیو وائرل
خیال رہے کہ اکشے کمار بالی ووڈ کی کئی فلموں میں کام کرچکے ہیں اور وہ واحد ہیرو ہیں جنہوں نے تقریباً ہر کردار بخوبی نبھایا۔ یہ بھی یاد رہے کہ رنویر آج کل اپنی نئی آنے والی فلم ’سمبا‘ کی شوٹنگ میں مصرف ہیں جس میں سیف علی خان کی صاحبزادی اُن کے ساتھ مرکزی کردار ادا کرتی نظر آئیں گی۔