شہر کی گلیوں میں اچانک شراب کو پانی کی طرح بہتا دیکھ کر لوگوں کی آنکھیں کھلی کی کھلی رہ گئیں، ویڈیو دیکھ کر آپ کو بھی یقین نہیں آئے گا۔
سوشل میڈیا پر وائرل ہونے والی اس ویڈیو نے لوگوں کو حیران کردیا۔ ویڈیو میں ایسا منظر دیکھنے کو ملا جسے دیکھ کر کوئی بھی یقین نہیں کر پائے گا۔
ہوا کچھ یوں کہ پرتگال کے علاقے ساؤ لورینزو ڈی بیرو کے لوگ اس وقت حیران رہ گئے جب اس چھوٹے سے قصبے کی سڑکوں پر (ریڈ وائن) سرخ شراب کا دریا بہنے لگا۔
غیرملکی خبر رساں ادارے کی رپورٹ کے مطابق شراب کا یہ پراسرار دریا شہر کی ایک فیکٹری سے نکلا جہاں 22 ملین لیٹر سے زائد وزن کے ریڈ وائن کے بھرے اچانک ٹینک پھٹ گئے، شراب کو شہر کے باقی حصوں میں بھیجنے سے پہلے فیکٹری کے قریب ایک گھر کے تہہ خانے میں موجود ٹینکوں رکھا گیا تھا۔
واقعے کے بعد بڑے پیمانے پر شراب پانی کی طرح بہنے لگی اور بہاؤ اتنا تیز تھا کہ اس سے ایک سوئمنگ پول باآسانی بھرسکتا تھا، شراب کا یہ دریا شہر کے قریب ایک ندی کی طرف بڑھ رہا تھا۔
The citizens of Levira, Portugal were in for a shock when 2.2 million liters of red wine came roaring down their streets on Sunday. The liquid originated from the Levira Distillery, also located in the Anadia region, where it had been resting in wine tanks awaiting bottling. pic.twitter.com/lTUNUOPh9B
— Boyz Bot (@Boyzbot1) September 12, 2023
اس سے پہلے کہ مذکورہ ندی شراب کے دریا میں تبدیل ہوجاتی فائر ڈپارٹمنٹ کے عملے نے شراب کے سیلاب کو روکنے کے لیے کارروائی شروع کردی اور بہاؤ کا رخ موڑ کر قریبی کھیت کی جانب کردیا گیا۔
شراب کمپنی نے اس واقعے پر معذرت کی ہے اور یقین دہانی کرائی ہے کہ ہم اس سے ہونے والے نقصانات کا ازالہ علاقے کی صفائی اور مرمت سے متعلق تمام اخراجات کی پوری ذمہ داری قبول کرتے ہیں۔