کراچی میں ڈاکوؤں نے صدر موبائل مارکیٹ میں آگ سے متاثرہ دکانداروں کو بھی نہ بخشا اور ان سے بھی لوٹ مار کر کے فرار ہو گئے۔
اے آر وائی نیوز کے مطابق منگل کی علی الصباح کراچی میں صدر کی موبائل مارکیٹ میں خوفناک آتشزدگی میں درجنوں دکانیں جل گئیں اور ابتدائی تخمینے کے مطابق کروڑوں روپے کا نقصان ہوا ہے۔
آتشزدگی کی اطلاع ملتے ہی مارکیٹ کے دکاندار گھروں سے اپنی اپنی دکانوں پر پہنچے اور دکانوں سے سامان نکالنے کی کوشش کی اس دوران انسانیت سے عاری ڈاکو وہاں پہنچے اور دکھ کے ان لمحات میں صدمے سے دوچار دکانداروں سے بھی لوٹ مار کی۔
کراچی کی صدر موبائل مارکیٹ میں خوفناک آتشزدگی، کروڑوں کا نقصان
اس حوالے سے صدر الیکٹرانکس ڈیلرز ایسوسی ایشن رضوان عرفان نے کہا ہے کہ آتشزدگی سے متاثرہ مارکیٹ کے دکاندار موبائل اور موبائل ایسیسریز کے کارٹن موٹر سائیکل پر رکھ کر لے جا رہے تھے کہ ڈاکو ان سے بچ جانے والا یہ سامان بھی چھین کر فرار ہو گئے۔
