سعودی فٹ بال کلب النصر کی جانب سے کھیلنے والے اسٹار فٹبالر کرسٹیانو رونالڈو نے عربی زبان میں دلچسپی لینا شروع کردی، اسٹار فٹبالر نے مقامی زبان کے الفاظ سیکھنا شروع کردیئے۔
عرب میڈیا کو کرسٹیانو رونالڈو نے حال ہی میں ایک انٹرویو دیا ہے، جس کا ترجمہ النصر فٹبال کلب نے اپنے سوشل اکاؤنٹ ایکس پر شیئر بھی کیا۔
اسٹار فٹبالر کا کہنا تھا کہ جیسے کہ میں نے پچھلے سیزن میں کہا تھا کہ سعودی لیگ وقت گرزنے کے ساتھ بہتر ہو جائے گی اور دنیا کی ایک بہترین لیگ بن جائے گئی۔
- Advertisement -
رونالڈو کا کہنا تھا کہ مجھے سعودی عرب بلانے اور خوشی کا احساس دلانے پر میں شکریہ ادا کرتا ہوں، میں سعودی عرب میں بہت خوش ہوں۔
انٹرویو کے آخر میں اسٹار فٹبال نے عربی زبان میں ایک لفظ ادا کیا’ شکراً‘ جسے ان کے چاہنے والوں کی جانب سے پسند کیا جارہا ہے۔
