کراچی : شہر قائد میں قربانی کا جانور گھمانے کا شوق معصوم بچے کی جان لے گیا، بچے کے پاؤں بیل کی رسی میں لپٹ گئے اور ایک کلومیٹر تک رگڑتا ہوا گیا۔
تفصیلات کے مطابق کراچی کے علاقے نیو کراچی الیون جی میں قربانی کا جانور گھمانے کے شوق میں بچہ کی جان چلی گئی، اہلخانہ نے بتایا کہ 12 سالہ ابرہیم دوستوں کے ساتھ جانور گھما رہا تھا کہ بیل بپھر کر دوڑنے لگا، بیل رسی چھڑا کر بھاگا تو رسی بچے کے پاؤں سے لپٹ گئی اور بچہ ایک کلومیٹر تک رگڑتا ہواگیا۔
رسی میں لپٹا دیکھ کر بچے کو لوگوں نے بچانے کی کوشش کی ، بچے کو اسپتال منتقل کیا گیا لیکن شدید چوٹیں لگنے سے12 سالہ ابراہیم دم توڑ گیا۔
حادثے کی سی سی ٹی وی اے آر وائی نیوز نےحاصل کرلی، فوٹیج میں بچے کے پاؤں بیل کی رسی میں لپٹے دیکھا جاسکتا ہے۔
اہلخانہ کا کہنا تھا کہ حادثہ کل شام کو پیش آیا تھا، بچے کی تدفین کردی گئی ہے۔
