بالی وڈ کے بھائی جان سلمان خان نے اننت امبانی کی شادی میں اپنی سابق بھابھی کے قریبی دوست ارجن کپور کو یکسرنظر انداز کردیا۔
گجرات کے جام نگر میں بھارتی صنعتکار مکیش امبانی کے چھوٹے بیٹے اننت امبانی کی شادی سے قبل کی تقریبات منعقعد کی گئی تھیں جس میں دنیا بھر سے معروف شخصیات شریک ہوئے جبکہ بالی وڈ ستاروں نے تو ان ایونٹس میں بڑھ چڑھ کر حصہ لیا۔
سلمان خان دوسرے دن منعقد ہونے والی ایک تقریب میں شان سے اپنے باڈی گارڈ شیرا کے ساتھ آئے۔ اس دوران وہ سابق بھارتی کپتان مہندر سنگھ دھونی اور رنویر سنگھ سے گرمجوشی سے ملے۔
تاہم دوسرے سیلیبریٹیز سے بہت اچھے سے ملنے کے باوجود سلمان نے دھونی کے برابر میں کھڑے ان کی سابق بھابی کے بوائے فرینڈ ارجن کپور کو یکسر نظر انداز کردیا۔
سلو بھائی نے ارجن کی طرف کوئی توجہ ہی نہ دی جیسے انھیں دیکھا ہی نہ ہو اور یہ بات انٹرنیٹ صارفین کی نظروں سے چھپی نہ رہ سکی جبکہ یہ منظر سوشل میڈیا پر کافی وائرل بھی ہورہا ہے۔
واضح رہے کہ ایشیا کے امیر ترین لوگوں میں سے ایک بھارتی بزنس ٹائیکون مکیش امبانی کے چھوٹے بیٹے کی شادی سے پہلے کی تقریبات میں بالی ووڈ خانز نے بھی ساتھ رقص کیا تھا۔
تینوں بالی ووڈ خانز نے اسٹیج پر ایک ساتھ ’ناچو ناچو‘ گانے پر ڈانس کیا جس سے ہال تالیوں سے گونج اٹھا۔ اس کے علاوہ ہالی وڈ سنگر ریحانہ نے بھی اپنی پرفارمنس سے تقریب میں لوگوں کو مدہوش کیے رکھا تھا۔
