The news is by your side.

Advertisement

بالی ووڈ اداکار سلمان خان نے امیتابھ بچن کو شکست دے دی

ممبئی: بالی ووڈ اداکار سلمان خان کے شو بگ باس سیزن 12 نے ریٹنگ میں امیتابھ بچن کے شو کون بنے گا کروڑ پتی کو شکست دے دی۔

بھارتی میڈیا رپورٹس کے مطابق بالی ووڈ اداکار سلمان خان کا حال ہی میں شروع ہونے والا متنازع شو بگ باس 12 ریٹنگ کے لحاظ سے چھٹے نمبر پر پہنچ گیا جبکہ امیتابھ بچن کے شو کون بنے گا کروڑ پٹی کو دسویں نمبر پر پہنچا دیا ہے۔

ریٹنگ کی فہرست میں بھارتی ٹی وی چینل سے نشر ہونے والا ڈرامہ ناگن تھری پہلے نمبر پر موجود ہے جبکہ مادھوری ڈکشت کا شو ڈانس دیوانے دوسرے، ڈرامہ یہ رشتہ کیا کہلاتا ہے تیسرے، ڈرامہ کنڈلی بھاگیا چوتھے اور مزاحیہ ڈرامہ ترک مہتا کا الٹا چشمہ پانچویں نمبر پر موجود ہے۔

متنازع شو بگ باس 12 کے میزبان سلمان خان ہیں اور ان کی ایک قسط کا معاوضہ 12 سے 14 کروڑ روپے بتایا جارہا ہے جو عامر خان اور امیتابھ بچن کی فلم ٹھگز آف ہندوستان سے بھی زیادہ بتایا جارہا ہے۔

مزید پڑھیں: سلمان خان کے خلاف ہندو سرگرم، توہین مذہب کا مقدمہ درج

بگ باس 12 میں معروف شخصیات شرکت کررہی ہیں جن میں سرشتے روڈ، نیہا پیندسے، کرنویر بوہرا، دپیکا ککر ابراہیم، انوپ جلوتا، جسلین متھارو، کرکٹر سری سانتھ، دپیک ٹھاکر، اروشی وانی، جے پور کی دو بہنیں صبا خان اور سومل خان، سواربھ پٹیل، شیواشیش مہرا، روشمی بے نک، کیرتی ورما، رومل چوہدری اور نرمل سنگھ شامل ہیں۔

بگ باس ہاؤس میں سبھی شرکاء رہائش پذیر ہوتے ہیں جنہیں تین ماہ تک ایک ہی گھر میں رہنا ہوتا ہے ان کا رابطہ دنیا سے کٹ جاتا ہے، آخر میں جو شخص شو میں موجود رہتا ہے وہی جیت کا حقدار قرار دیا جاتا ہے اور اسے کثیر معاوضہ دیا جاتا ہے۔

Comments

comments

یہ بھی پڑھیں