ممبئی: بالی وڈ سپر اسٹار سلمان خان نے کرن جوہر کے ساتھ اپنی اگلی ایکشن تھرلر فلم کا اعلان کردیا۔
بالی وڈ کے سپر اسٹار سلمان خان اس وقت اپنی حالیہ ریلیز ہونے والی فلم ٹائیگر 3 کی کامیابی میں مصروف ہیں، منیش شرما کی ہدایت کاری میں دیوالی کے موقع پر ریلیز ہونے والی اس فلم نے 400 کروڑ کا بزنس کیا۔
بھارتی میڈیا رپورٹ کے مطابق اب سلمان خان دھرما پروڈکشن کے تحت ایک نئے پروجیکٹ پر کام کررہے ہیں، جس کی ہدایتکاری وشنو ورھن کریں گے۔
View this post on Instagram
یوں تو نامور فلمساز کرن جوہر اور سلمان خان کے نئے پروجیکٹ کی خبریں کافی عرصہ سے گردش کررہی تھیں اور اب فلم کا نام سلو بھائی نے ظاہر کردیا ہے۔
بھارتی ٹی وی کو دیے گئے ایک حالیہ انٹرویو میں سلمان خان سے ان کے نئے فلمی پروجیکٹس کے بارے میں پوچھا گیا تو انہوں نے بتایا کہ وہ اپنی اگلی فلم ’دی بُل‘ میں کام کریں گے۔
پورٹ کے مطابق سلمان خان اس ایکشن تھرلر میں ایک فوجی افسر کا کردار ادا کریں گے، جبکہ اس فلم کی مزید تفصیلات ابھی سامنے نہیں آئی ہیں۔
