ممبئی: بالی وڈ کے سُپر اسٹار سلمان خان نے جان سے مار دینے کی دھمکی ملنے کے بعد اپنے دفاع کے لیے اسلحہ لائسنس کے لیے درخواست دے دی ہے۔
بھارتی میڈیا کی رپورٹس کے مطابق سلمان خان نے آج ممبئی پولیس کمشنر سے اہم ملاقات کی اور قتل کی دھمکی کے بارے میں انہیں آگاہ۔ ملاقات میں اداکار نے اسلحہ لائسنس کے لیے درخواست دی۔
Salman Khan meets Mumbai top cop after threat letter. India Today's @divyeshas brings you the details.#Mumbai #SalmanKhan #News #5iveLIVE @ShivAroor pic.twitter.com/Wbhzpnm7VJ
— IndiaToday (@IndiaToday) July 22, 2022
واضح رہے کہ سلمان خان کو آجہانی پنجاب گلوکار سدھو موسے والا کے قاتل گینگسٹر لارنس بشنوئی کی جانب سے قتل کی دھمکی دی گئی ہے۔ لارنس بشنوئی گلوکار کو قتل کرنے کے الزام میں گرفتار ہیں۔
مزید پڑھیں: سلمان خان پر قاتلانہ حملے کی کوشش کا انکشاف
کچھ روز قبل گینگسٹر نے پولیس کو اپنا بیان قلم بند کروایا تھا جس میں ان کا کہنا تھا کہ: ’میں اور میری برادری سلمان خان کو کالا ہرن کیس میں کبھی معاف نہیں کریں گے۔ اپنے فیصلے پر تب ہی نظرِ ثانی کریں گے جب سلمان خان عوام سے سرِ عام معافی مانگیں گے‘۔
گینگسٹر نے سُپر اسٹار کو 2018 میں قتل کرنے کے لیے چار لاکھ روپے کی رائفل خریدی تھی۔
