The news is by your side.

بھنسالی نے کرینہ سے 5 سال پرانا بدلہ لے لیا، بھری محفل میں بے عزتی

ممبئی: بالی ووڈ انڈسٹری کے نامور ہدایت کار سنجے لیلا بھنسالی نے کرینہ کپور سے 5 برس پرانا بدلہ لے کر اپنی شدید ناراضی کا اظہار کردیا۔

بھارتی میڈیا کی رپورٹ کے مطابق سنجے لیلا بھنسالی اپنی فلم ’رام لیلا‘ میں کرینہ کپور کو مرکزی کردار دینا چاہتے تھے مگر بے بو نے صاف انکار کردیا تھا جس کے بعد ہدایت کار نے دپیکا کو فلم میں کاسٹ کیا۔

سنجے لیلا بھنسالی نے کرینہ کے انکار پر کوئی ردعمل تو نہیں دیا تھا مگر انہوں نے حال ہی میں منعقد ہونے والی دیوالی پارٹی میں اداکارہ کی بے عزتی کر کے 5 برس پرانا حساب برابر کردیا۔

مزید پڑھیں: دادی کی آخری رسومات میں مسکراہٹ، کرینہ کپور کے خلاف نیا محاز کھل گیا

رپورٹ کے مطابق ہدایت کار کرینہ سے خفاء ہیں جس کا ردعمل انہوں نے ایک تقریب میں کیا۔ بالی ووڈ کے تمام بڑے ستارے دیوالی کی تقاریب میں شرکت کے لیے ایک دوسرے کے گھر پر منعقد ہونے والی تقاریب میں شریک ہوئے۔

ایک تقریب میں سنجے لیلا بھنسالی اور کرینہ کا آمنا ہوا تو ہدایت کار کو دیکھ کر اداکارہ اُن سے ملاقات کے لیے پہنچی مگر رام لیلا کے ڈائریٹر نے نہ صرف انہیں نظر انداز کیا بلکہ منہ دوسری طرف موڑ کر کسی اور باتوں میں مصروف ہوگئے۔

کرینہ کے قریبی لوگوں کا کہنا ہے کہ اداکارہ ہدایت کار کی اس حرکت پر نہ صرف پریشان ہیں بلکہ انہیں شدید غصہ بھی ہے جس کا اظہار وہ آئندہ چند دنوں میں کھل کر کریں گی۔

یہ بھی پڑھیں: دپیکا اور رنویرکی شادی میں کون سی 2 شخصیات شرکت کریں‌ گی؟

یہ بھی یاد رہے کہ دپیکا پڈوکون اور رنویر سنگھ فلم رام لیلا میں‌ایک ساتھ کام کیا جس کے بعد وہ ایک دوسرے کے قریب آئے اور پھر اُن کے درمیان گہری رفاقت بھی قائم ہوئی، اب دونوں‌ ازدواجی بندھن میں‌ بندھنے جارہے ہیں۔

واضح رہے کہ رنویر سنگھ اور دپیکا پڈوکون نے سنجے لیلا بھنسالی کی فلم رام لیلا کے علاوہ باجی راؤ مستانی میں کام کیا تھا اور چار سال بعد دونوں‌ پدمنی میں‌ مرکزی کردار ادا کرتے نظر آئے۔

Comments

یہ بھی پڑھیں