پاکستان کو آئندہ ماہ کٹھن دورہ آسٹریلیا درپیش ہے، ٹیم کے ساتھ دو وکٹ کیپرز جارہے ہیں ایسے میں سوال اٹھ رہا ہے کہ کسے کپتان کی جانب سے موقع دیا جائے گا۔
قومی کرکٹ ٹیم کے نومنتخب ٹیست کپتان شان مسعود نے واضح کردیا ہے کہ آسٹریلیا کے خلاف سیریز کیلیے سرفراز احمد کو پہلا انتخاب ہونگے۔ ان کے مطابق سرفراز کی جگہ پکی ہے، نیوزی لینڈ کے خلاف ہوم سیریز میں بھی سرفراز کی کارکردگی شاندار رہی تھی،
راولپنڈی میں پریس کانفرنس سے خطاب میں شان نے کہا کہ محمد رضوان ممکنہ طور پر بطور بیٹر پلئینگ الیون کا حصہ ہوسکتے ہیں۔ ٹیم نے آخری بار آسٹریلیا کا دورہ کیا تھا تو وہ سب سے زیادہ اسکور کرنے والوں میں سے ایک تھے۔
قومی کپتان نے کہا کہ کنڈیشنز کو دیکھ کر پلئینگ الیون کا حتمی انتخاب کریں گے، ضروت پڑنے پر ایک اضافی اسپنر کو بھی شامل کیا جاسکتا ہے۔
انھوں نے کہا کہ یہ صورتحال ابھی زیر غور ہے تاہم پہلے پچ کا مشاہدہ کریں گے ورنہ ایک اسپنر کی جگہ کسی بیٹر کو ٹیم کا حصہ بنایا جائے گا۔
