ریاض: سعودی عرب میں بینک کی کیش وین سے تقریباً 20 لاکھ ریال چوری کرنا ملزمان کو مہنگا پڑگیا، پولیس نے کامیاب کارروائی کرتے ہوئے دو ملزمان کو گرفتار کرلیا۔
عرب میڈیا کی رپورٹ کے مطابق بینک کی کیش وین ڈکیتی کا واقعہ گزشتہ سال 13 دسمبر کو سعودی دارالحکومت ریاض میں پیش آیا تھا، اس واقعے میں چار ملزمان ملوث ہیں جن میں سے دو کو گرفتار کرلیا گیا ہے۔
پولیس کا کہنا ہے کہ اس واردات میں بھاری رقم سے لدی بینک کی گاڑی سے ملزمان نے 1.9 ملین ریال لوٹے تھے، ڈاکوؤں نے ڈکیتی کی اس واردات میں چوری کی گاڑی استعمال کی تھی، لوٹ مار کے دوران مزاحمت پر ملزمان نے وین ڈرائیور کو شدید زخمی بھی کردیا تھا۔
ملزمان کے خلاف کارروائی، سعودی پولیس اہلکار ہلاک
متعلقہ ادارے کے مطابق اس واردات میں ملوث دیگر دو افراد ملک چھوڑ کر فرار ہوچکے ہیں۔ البتہ واردات کا سرغنہ اور اس کا ایک ساتھی ہماری حراست میں ہے۔ ابتدائی تفتیش کے دوران دونوں ملزمان نے اس سے قبل بھی متعدد ڈکیتی کی کارروائیوں کا اعتراف کیا ہے۔
خیال رہے کہ ریاض پولیس دیگر دو ملزمان کی گرفتاری کے لیے کوششیں جاری رکھی ہوئی ہیں۔
