ریاض : سعودی وزارت حج و عمرہ نے "ذاتی وزٹ” ویزے کے فوائد سے آگاہ کیا ہے، ترجمان نے بتایا ہے کہ سعودی شہری اپنے دوستوں کو عمرہ کرنے کے لیے سعودی عرب مدعو کرسکتے ہیں۔
گزشتہ روز وزارت نے اپنے ٹویٹر اکاؤنٹ پر بتایا کہ سعودی شہری اپنے دوستوں کو "ذاتی وزٹ ویزا” کے ذریعے عمرہ کرنے کے لیے سعودی عرب میں مدعو کرسکتے ہیں۔
چار فوائد کیا ہیں؟
ترجمان وزارت نے وضاحت کی کہ اس ویزا کے 4 فوائد ہیں، یہ ویزا ایک سفر یا کئی دوروں کے لیے جاری کیا جاتا ہے۔ اس ویزا سے عمرہ ادا کرنے کا موقع ملتا ہے۔
اس کے علاوہ مسجد نبوی اور روضہ اقدس کی زیارت نصیب ہوتی ہے اور سعودی عرب کے تمام علاقوں اور شہروں کے سیاحتی اور تاریخی مقامات کے دوروں کا موقع ملتا ہے۔
ویزا کی اقسام
ویزا کی دو قسمیں ہیں ۔ ’’سنگل انٹری پرسنل ویزا‘‘ کی میعاد 90 دنوں کے قیام کے ساتھ 90 دن تک بڑھ سکتی ہے۔ "ملٹی انٹری پرسنل ویزا” کی میعاد 90 دن قیام ہے اور یہ مدت 365 دن تک بڑھ سکتی ہے۔ وزارت نے بتایا کہ وزارت خارجہ میں ویزا پلیٹ فارم کے ذریعے "ذاتی ویزا” کے لیے درخواست دی جا سکتی ہے۔
