اسلام آباد : اسٹیٹ بینک حکام نے 10برسوں سے عارضی بند اکاؤنٹس میں97ارب روپے ہونے کا انکشاف کیا اور بتایا کہ 1 کروڑ 40 لاکھ بینک اکاؤنٹس بند پڑے ہیں۔
تفصیلات کے مطابق سلیم مانڈوی والا کی زیر صدارت سینیٹ کی قائمہ کمیٹی برائے خزانہ کا اجلاس ہوا ، اسٹیٹ بینک حکام نے انکشاف کیا ہے کہ 10 سال سے عارضی بند اکاؤنٹس میں 97 ارب روپے رقم پڑی ہے اور مختلف بینکوں کے 1 کروڑ 40 لاکھ بینک اکاؤنٹس گزشتہ 10 برس سے عارضی بند پڑے ہیں۔
- Advertisement -
حکام نے کہا کہ عارضی طور پر بند اکاؤنٹس کو مستقل بند کرنے کیلئے 10 سال سے معیاد بڑھا کر 15 سال کرنے کی تجویز دی ہے۔
مرکزی بینک کے حکام کا کہنا تھا کہ لاکھوں اکاؤنٹ ہولڈرز 10 برسوں بعد بھی عارضی بند اکاؤنٹس کو دوبارہ ایکٹو کراتےہیں۔
سینیٹ خزانہ کمیٹی نے عارضی بند اکاؤنٹس کودوبارہ ایکٹوکرانے کیلئےاسٹیٹ بینک کی تجویزمنظورکرلی
