راولپنڈی : سیکیورٹی فورسز نے ایک سال کے دوران چوبیس ہزار سے زائد آپریشنز میں ساڑھے پانچ سو سے زائد دہشت گردوں کو جہنم واصل کیا۔
تفصیلات کے مطابق سیکیورٹی فورسز پاکستان سے دہشت گردی کےمکمل خاتمے کیلئے مسلسل سرگرم ہیں اور ملک سے دہشت گردی کے خاتمے کیلئے سیکیورٹی فورسز کو مؤثر اور جامع کامیابیاں مل رہی ہیں۔
فوج نے جامع منصوبہ بندی سے دہشت گردی کے خاتمے کیلئے فیصلہ کن مرحلےکاآغازکیا ، پاک فوج کا مرکزی ہدف ٹی ٹی پی اور بی ایل اے جیسے
دیگر دہشت گرد گروہ ہیں، یہ گروہ افغانستان کی سرزمین سےمکمل مددکیساتھ پاکستان پرحملہ آور ہوتے ہیں۔
پاکستان آرمی کی ملک بھرمیں موثرکارروائیوں سے دہشت گرد بوکھلاہٹ کا شکار ہیں ، دہشت گردوں کی مایوسی کا اندازہ رواں سال کے اعدادوشمار سے لگایا جاسکتا ہے۔
سیکیورٹی فورسز نے ایک سال کے دوران 24 ہزار سے زائد آپریشنز کیے گئے، جس میں 550 سے زائد دہشت گردجہنم واصل ہوئے۔
سال 2023 میں ہلاک کیے دہشت گردوں کی تعداد پچھلے 6 سال میں سب سے زیادہ ہے ، صرف2022میں400کےقریب دہشت گردسیکیورٹی فورسزکےہاتھوں مارے گئے۔
پاک فوج نے افغانستان کے آلہ کاردہشت گرد گروہوں کے گردگھیراتنگ کردیا ہے، پاک فوج کی جانب سےدہشت گردی کےہرحملےکادندان شکن جواب دیا جائے گا۔
