امریکی اداکارہ و گلوکارہ سیلینا گومز نے اپنے کیرئیر میں کامیابیوں کا ایک اور سنگ میل عبور کرلیا۔
بلوم برگ کی رپورٹ کے مطابق 32 سالہ امریکی اداکارہ و گلوکارہ سیلینا گومز نے اپنے کیرئیر میں کامیابیوں کا ایک اور سنگ میل عبور کرتے ہوئے کم عمر ترین ’سیلف میڈ‘ ارب پتی بن گئیں۔
بلوم برگ کی رپورٹ کے مطابق سیلینا گومز کے اثاثوں کی مالیت 1.3 بلین ڈالرز ہے، گلوکارہ کی دولت میں کچھ حصہ تو ان کی اداکاری، گلوکاری اور برانڈ پارٹنرشپ کے ذریعے آیا ہے۔
رپورٹ میں کہا گیا ہے کہ اداکارہ کی ملکیت کا بہت بڑا حصہ میک اپ برانڈ ’ریر بیوٹی‘ کا کمایا ہوا ہے، میک اپ کے علاوہ سیلینا گومز نے ذہنی صحت سے متعلق ’ونڈر مائنڈ‘ میں بھی سرمایہ کاری کی ہوئی ہے۔
واضح رہے کہ سیلینا گومز کے انسٹاگرام پر 424 ملین فالوورز ہیں جبکہ مقبولیت کے اعتبار سے انہیں انسٹاگرام پر سب سے زیادہ فالو کیے جانے والی شخصیات میں تیسرے پوزیشن حاصل ہے۔
