اسلام آباد: شیخ رشید کو 7 روز کے اندر جائیداد خالی کرنے کی ہدایت کی گئی ہے، جس میں لال حویلی بھی شامل ہے۔
تفصیلات کے مطابق متروکہ وقف املاک نے شیخ رشید کو جائیداد سے بے دخلی کا نوٹس جاری کر دیا ہے، شیخ رشید کو 7 روز کے اندر جگہ خالی کرنے کی ہدایت کی گئی ہے۔
ذرائع کا کہنا ہے کہ جائیداد میں لال حویلی کی جگہ بھی شامل ہے، متروکہ وقف املاک نے جگہوں کو خالی کرانے کے لیے پولیس کی مدد بھی مانگ لی ہے۔
- Advertisement -
متروکہ وقف املاک کی جانب سے 19 اکتوبر کو آپریشن کرنے کا فیصلہ بھی کیا گیا ہے، ایف آئی اے کو بھی کارروائی میں حصہ بنایا جائے گا۔
ذرائع کا کہنا ہے کہ سابق وزیر داخلہ شیخ رشید کو جلد ایف آئی اے میں بھی بلائے جانے کا امکان ہے، شیخ رشید کو متروکہ وقف املاک اراضی پر قبضہ کرنے کے الزام میں بلایا جائے گا۔
