کراچی: سیلاب سے متاثرہ کسانوں کے لئے سندھ حکومت نے یوریا اور کھاد پر سبسڈی دینے کا اہم فیصلہ کیا ہے۔
اے آر وائی نیوز کے مطابق سندھ حکومت نے یوریا اور ڈی اے پی کھاد پر فی کسان کو 60 ہزار روپے سبسڈی دینے کا فیصلہ کیا ہے۔
پاکستان پیپلز پارٹی کے رہنما منظور وسان نے کہا کہ 2 لاکھ 34 ہزار 313 کسانوں کو کھاد کی مد میں سبسڈی دی جائے گی۔
- Advertisement -
رہنما پیپلز پارٹی منظور وسان نے کہا کہ ایک ایکڑ اور ساڑھے 12 ایکڑ تک زمین رکھنے والے کسان کو سبسڈی رقم دی جائےگی، دوسرے فیز کے کسانوں کو بیج کی مد میں فی ایکڑ 5 ہزار سبسڈی رقم دینے کا سلسلہ جاری ہے۔
