کراچی: صوبہ سندھ کا 22 کھرب سے زائد کا بجٹ آج پیش کیا جائے گا۔
تفصیلات کے مطابق آج صوبائی اسمبلی میں سندھ کا بجٹ پیش کیا جائے گا، جس میں محکمہ صحت کے لیے 44 ارب سے زائد رقم رکھنے کی تجویز دی گئی ہے۔
سندھ بجٹ میں صوبائی ترقیاتی منصوبے کے لیے 697 ارب روپے، محکمہ بلدیات کے لیے 111 ارب، ورکس اینڈ سروس کے لیے 109 ارب روپے، محکمہ آب پاشی کے لیے 52 ارب روپے، داخلہ کے لیے 11 ارب روپے رکھنے کی تجویز دی گئی ہے۔
- Advertisement -
میگا منصوبے کے لیے 12 ارب روپے، غیر ترقیاتی بجٹ کی مد میں 1411 ارب روپے، محکمہ تعلیم کے لیے مجموعی طور پر 353 ارب روپے، امن و امان کے لیے 160 ارب روپے رکھنے کی تجویز ہے۔
بجٹ میں صوبائی ٹیکس وصولیوں کا ہدف 460 رکھا گیا ہے، کیپیٹل اخراجات کی مد میں 136 ارب روپے رکھنے اور سبسڈی، گرانٹس اور قرضوں کے لیے 344 ارب رکھنے کی تجویز دی گئی ہے۔
