The news is by your side.

Advertisement

بلوچستان سے 6 خطرناک دہشت گرد گرفتار، کوئٹہ دھماکوں کا اعتراف

کوئٹہ : صوبائی وزیر داخلہ بلوچستان سرفراز بگٹی نے کہا ہے کہ بھارتی خفیہ ایجنسی را سے رقم لے کر بلوچستان میں دہشت گردی کرنے والے 6 دہشت گردوں کو کرفتار کرلیا گیا ہے۔


How and who carries out terrorist activities in… by arynews

تفصیلات کے مطابق وزیرداخلہ بلوچستان سرفراز بگٹی نے پریس کانفرنس کرتے ہوئے دہشت گردوں کی گرفتاری ظاہر کرتے ہوئے اُن کا اعترافی بیان بھی میڈیا کے سامنے پیش کیا، اعترافی ویڈیو بیان میں دہشت گردوں نے تسلیم کیا ہے کہ ’’انہیں یونائٹیڈ بلوچ آرمی کے کمانڈر سرفرا بنگلزائی نے کوئٹہ میں دہشت گردی کرنے کی ہدایت دیتے ہوئے رقم فراہم کی، ویڈیو میں دہشت گردوں نے یہ بھی اعتراف کیا ہے کہ ’’کوئٹہ میں ہونے والے بم دھماکوں میں بھی وہ ملوث ہیں اور اس کی ہدایت بھارتی خفیہ ایجنسی نے بلوچ آرمی کو دی‘‘۔

پڑھیں :   بلوچستان سے افغان انٹیلی جنس کے 6 اہلکار گرفتار

سرفراز بگٹی نے میڈیا کو آگاہ کیا کہ ’’بلوچستان میں بھارت نواز دہشت گردوں کے گرد گھیرا تنگ کردیا ہے اور  ان گرفتار دہشتگردوں کا تعلق کالعدم تنظیم سے ہےجنہیں دشمن ملک کی جانب سے دہشت گردی کے لیے رقم مہیا کی جاتی ہے۔

مزید پڑھیں :  مستونگ آپریشن میں بی ایل ایف کمانڈر4 ساتھیوں سمیت ماراگیا، سرفرازبگٹی

انہوں نے مزید بتایا کہ ’’ملزمان نے کوئٹہ بم دھماکے سمیت دیگر دہشت گردی کے واقعات کا اعتراف کیا ہے۔ ملزمان کی نشاندہی پر مختلف علاقوں میں چھاپے مارے جارہے ہیں۔ افغان سرزمین اب بھی پاکستان کے خلاف استعمال ہورہی ہے جہاں سے افغان مہاجرین کا لبادہ اوڑھے دہشت گردوں کو استعمال کرتے ہوئے پاکستان کو غیر مستحکم کرنے کی کوشش جاری ہیں‘‘۔

قبل ازیں بلوچستان سے بھارتی خفیہ ایجنسی کے ایجنٹ کلبھوشن یادوو سمیت افغان انٹیلی جنس کے اہلکاروں کو بھی گرفتار کیا جاچکا ہے۔

 

Print Friendly, PDF & Email

Comments

comments

یہ بھی پڑھیں