کراچی:معروف اداکار فیصل قریشی اور ہدایت کار سہیل جاوید کی فلم”سوری“ کی کاسٹ منظر عام پر آگئی، تقریب میں فلم انڈسٹری کے نامور ناموں نے شرکت کی۔
تفصیلات کے مطابق کراچی کے ایک نجی ہوٹل میں منعقد ہونے والی اس تقریب میں فلم کی کاسٹ کو متعارف کروایا گیا جن میں فیصل قریشی، آمنہ شیخ،زاہد احمد اورسونیا حسین مرکزی کردار ادا کررہے ہیں۔
اس موقع پر سہیل جاویدنے اظہار خیال کرتے ہوئے کہا کہ یہ فلم میرے دل کے بہت قریب ہے، یہ ایک رومانوی ڈرامہ ہے جو یقینا شائقین کے دل موہ لے گا۔ فلم کی کہانی سہیل جاوید اور آصمہ نبیل نے مشترکہ طور پر لکھی ہے جس کی ہدایات سہیل جاوید دیں گے۔
واضح رہے کہ یہ فلم فیصل قریشی کی بڑے پردے پر واپسی ہے، انہوں نے فلم انڈسٹری کے احیاءکے بعد اب فلم کرنے کا اعلان کیا ہے جبکہ انہوں نے فلم منٹو میں مختصر کردار ادا کیا تھا۔فلم کے کرٹن ریزر میں انڈسٹری کے معروف وممتاز اداکاروں نے شرکت کی جن میں اداکار ندیم بیگ، ثمینہ پیرزادہ ، ہمایوںسعید، فہد مصطفی، عبداللہ کادوانی، جرجیس سیجا، ثنا فیصل، فیضان شیخ، عدیل عادی، عرفان ملک، عاصم جوفا، آسمہ نبیل، عدنان صدیقی و دیگر نے شرکت کی۔
Wishing my mentor, my friend, my brother @faysalquraishi all the very best for his upcoming film 😘😘👏👏 pic.twitter.com/B0tMCS7DjG
— Fahad Mustafa (@fahadmustafa26) October 19, 2018
تقریب کی نظامت خالد ملک نے کی جبکہ اختتام پر گلوکار عباس علی خان نے ایک خاص پرفارمنس پیش کی۔ فلم اگلے سال 2019 میں ریلیز ہوگی۔
یاد رہے کہ فیصل قریشی اے آروائی زندگی کے مارننگ شو ’سلام زندگی‘ سے بھی وابستہ ہیں اور اس کے علاوہ کئی مشہور ٹی وی ڈرامہ سیریل میں مرکزی کردار ادا کرچکے ہیں۔
تقریب کی تصویری جھلکیاں
