اسلام آباد: حکومت نے پی ٹی آئی رہنماؤں کی گرفتاری کے لئے اسپیشل اسکواڈ تیار کرلیا ہے۔
ذرائع کے مطابق پاکستان تحریک انصاف کے رہنماؤں کی دوبارہ گرفتاری کے لئے وفاقی پولیس کا اسپیشل اسکواڈ بنادیا گیا ہے، اسلام آباد پولیس کا یہ خصوصی اسکواڈ پی ٹی آئی رہنماؤں کو گرفتار کرے گا۔
ذرائع کا کہنا ہے کہ پی ٹی آئی رہنماؤں کو گرفتار کرنے والے اس خصوصی اسکواڈ میں کمانڈروز کو بھی شامل کیا گیا ہے۔
واضح رہے کہ گذشتہ روز کورکمانڈر کانفرنس میں پاک فوج کی اعلیٰ قیادت نے اتفاق کیا تھا کہ فوجی تنصیبات پر حملہ کرنے والوں کو آرمی ایکٹ اور آفیشل سیکرٹ ایکٹ کے تحت انصاف کے کٹہرےمیں لایا جائیگا۔
آئی ایس پی آر کے مطابق بریفنگ میں کہا گیا کہ پاک فوج حملوں کے منصوبہ سازوں،اکسانے والوں سمیت تمام مجرموں سےبخوبی واقف ہیں،شہدا کی یادگاروں کی بےحرمتی،توڑ پھوڑ پرمشتمل منصوبے پرعمل درآمدکرایاگیا،منصوبے کا مقصد ادارےکو بدنام کرناتھاجبکہ ساراعمل ذاتی سیاسی ایجنڈےکیلئےتھا۔
آج وزیراعظم شہباز شریف نے بھی قومی سلامتی کمیٹی کے اجلاس میں کہا تھا کہ نو مئی کے واقعات کی منصوبہ بندی کرنے والوں کو ہرصورت قانون کےکٹہرے میں لانا ہوگا۔
