بینک ڈپازٹس ملکی تاریخ میں پہلی بار 27 ہزار 800 ارب روپے کی نئی ریکارڈ سطح پر پہنچ گئے۔
اسٹیٹ بینک کے مطابق دسمبر 23 کے اختتام تک بینکس ڈپازٹس 27 ہزار 840 ارب روپے کی ریکارڈ سطح قائم کر دی۔ دسمبر 22 سے دسمبر 23 تک ایک سال میں بینک ڈپازٹس میں 5 ہزار 354 ارب روپے کا اضافہ ریکارڈ کیا گیا۔
دسمبر 2022 میں بینک ڈپازٹس 22 ہزار 466 ارب روپے تھے۔ دسمبر 22 کے مقابلے دسمبر 23 تک ایک سال میں بینک ڈپازٹس میں 24 فیصد کا ریکارڈ اضافہ ہوا۔
- Advertisement -
اسٹیٹ بینک کے مطابق نومبر 23 کے مقابلے دسمبر 23 تک ایک ماہ میں بینک ڈپازٹس میں 1043 ارب روپے کا اضافہ ہوا، نومبر 23 میں بینکس ڈپازٹس 26 ہزار 797 ارب روپے سے بڑھ کر دسمبر 23 میں 27 ہزار 840 ارب روپے ہوگئی۔
